يا ريت لو الحكومة تنسى الحراك الشعبي شوي و تركز على المواصلات العامة


سيارات كبيرة مثل هيك تملأ شوارع عمان

امبارح و أنا داخل بسيارتي الفسفوسة (اوبل كورسا) مكة مول في طريقي للنادي الرياضي في المول, كان قدامي سيارة فور ويل كبيرة كثير و بتحمل نمرة عراقية حمرا. عادة لما بادخل كراج المول بوقف عند المدخل للتفتيش الروتيني المضحك, فهو لا يتعدي أن يفتح الزلمة صندوق سيارتي الخلفي و يغلقه حتى من دون ما يتطلع جواته. ما علينا, هادا موضوع تاني, بس شكله الزلمة خاف من حجم السيارة العراقية و قرر انه أصلا ما يحاول يفتح صندوقها. أنا قلت, بركن كمان مرقني من دون ما يفتح صندوق سيارتي خاصة انني كنت متأخر على الحصة, بس كنت غلطان, فهو فتحه و سكره.

المهم, بلحظتها خطر ببالي كم البنزين الهائل اللي بتبلعو هالسيارة, و طبعا خطر ببالي أسعار البنزين و الحديث عن دعمه و العجز في ميزانية الحكومة.. الخ. و أكيد تزكرت أنه هنالك توجه حكومي, من زمان, لاعادة تقييم هذا الدعم لانه أغلبه بروح للناس الغير محتاجه, و فعلا رؤية هاي السيارة العملاقة قدامي اكبر دليل على ذلك. الصحيح اني فكرت أخذ صورة للسيارة و اضيفها للبلوج هادا بس كاميرا تليفوني مو كثير فعاله خاصة من ورى زجاج سيارتي, و كمان ما قدرت أركز و أخذ صورة واضحة و أنا و هي عم نتحرك.

أكيد أنا هون مو ضد ضيوفنا العراقيين أو السياح أو اية جنسية أخرى لوافد على البلد, بس هيك موضوع فعلا مهم انه يتعالج بطريقة صح, والحكومة هلأ خايفة تاخد أي قرار ممكن يتقابل برد فعل عكسي.  دعم البنزين بالطريقة الحالية مكلف علينا كلنا, و فعلا مش مفروض تعطى السيارات الضخمة, بغض النظر عن جنسية مقتنيها, تشجيع في بلد بستورد ٩٦٪ من حاجته من الطاقة, هذا اذا ما ذكرنا الأثر البيئي و حقيقة أنه معظم الوقت يكون سائق هذه السيارات فرد واحد لا أكثر, و كذلك اقتنائها هو جزء من فنطزة اجتماعية اكثر من حاجة شخصية.

أنا بتمنى لو تركز الحكومة على تحسين المواصلات العامة و تحط موضوع الباص السريع في أعلى أولوياتها, بركن اقدرت ابيع سيارتي بدل ما اضطر احط كمان كم من الف دينار عشان اجددها! و بصراحة الازمة صايرة لا تطاق مع انه احنا لسة بالشتا و ما في موسم سياحي هلأ!

يا ريت لو الحكومة تنسى الحراك الشعبي شوي و تركز على المواصلات العامة

3 thoughts on “يا ريت لو الحكومة تنسى الحراك الشعبي شوي و تركز على المواصلات العامة

  1. Anonymous says:

    مقال رائع.. نعم، يا ريت الحكومة تترك الأمانة بحالها وتخليها تكمل مشاريع النقل العام..

    Like

  2. Nabih Ammani says:

    موضوع فعلا في وقته. هناك أيضاُ بعض التفاصيل اللي من المفيد نفكر ونحي فيها. مثلاً لماذا هناك تردد في تشجيع السيارات الرفبقة في البيئة الهجينة المحرك Hybrid ولماذا تأمين وترخيص وصيانة هذا النوع من السيارات أكثر كلفةً؟

    أيضاً تخيل أنك كمستخدم تدفع جمرك على سيارة سعة محركها ما دون 2000 سي سي أكثر من التركات الأميريكية لأنه البضائع الأمريكية ومن ضمنها السيارات تتمتع بوضع جمركي أفضل؟

    آن الأوان أن ينتقل الحراك من تعبير عن الاستياء إلى التاثير الفعلي في السياسات؟ أحلم أن أصوت لحزب في الانتخابات القادمة لديه سياسة واضحة إزاء البيئة والطاقة.

    Like

  3. المواصلات العامة لازم تكون جزء من عملية الإصلاح. يعني الحكومة ما في داعي تنسى الحراك، أصلا الحراك بطالبها بالإصلاح و هاي شغلة من الأشياء اللي لازم تتصلح.

    بصراحة موضوع المواصلات العامة موضوع كثير مهم. العالم تطوروا و صار عندهم قطارات تحت الأرض أو مترو و احنا لسة مش عارفين نعمل باص ييجي ع الموعد. مش مفروض في وزارة نقل؟ هاي الوزارة شو بتعمل؟ يعني إذا لهلأ مش قادرين يحلوا هالمشكلة إيش بيعملوا بالضبط؟

    Like

Do you have something to say?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s