حبيبي خذ شرفي و عيش 2


المشهد الثاني
خارجي – مساء – البرندة
عبير تتابع سرت روايتها
عبير
كانت احلى سنه في حياتي. حبيت سامي في فترة كتير قصيرة. ما كنت بعرف شو بعمل, بس حابيتو كتير و حسسيت بحبه الي. كنت
زي اكني مسحورة, بس بدي اشوفو و احكي معو… بس احساسي انو موجوده في حياتي كان يخلليني انبسط
سهى تعود لتسريح شعر
انا بتذكر اديش هوه كان مبسوط كمان هديك الفترة
عبير
حبيبي شو كنت احب ضحكته… اخخخ بتذكر اديش كان مبسوط يومها… كنا عم نحتفل بسنة على حبنا
داخلي – صباح – غرفة المعيشة
تخرج عبير من غرفتها بكامل اناقتها و في يدها دفتر محاضراتها و حقيبتها النسائية. تنظر الى اخيها سليم المتمدد على الكنباي و يقلب محطات التلفزيون في الريموت كنترول
عبير
يالا سليم, اتأخرت على محاضرتي. مش اؤلنا بلا هل التلفزيون؟ هاي تالت سنة بتعيد التوجيهي
بنهض سليم بتثاقل و ينظر الى عبير بقرف
سليم
انتي هيك طالعه في هادا القميص الضيق؟
عبير
ييي عالينا, القميص ما مالو شي, كل البنات بلبسو هيك
سليم
اه بالله؟! روحي روحي غيري بس كتر حكي, كيف يعني محجبة و لابسة هيك. ما في طالعة قبل ما تغيريه
عبير
اففففت طيب خلص بلبس جرزاي فوؤه, اصلن في شوية برد اليوم
يرمق سليم عبير بنظرة عدم رضى لكنه يلتقط مفاتيح السيارة و يهم بالخروج
عبير
انت هيك طالع توصلني؟!!
سليم مازال في شورت النوم و الكت شيرت, يلبس بابوج برجله
سليم
اه هيك شو فيها؟ انا بس رح اوصلك لو ارجع يالا امشي
خارجي – صباحا – مدخل الجامعة
تبحث عبير بعينيها بين الجموع في مدخل الجامعة عن سامي بحرص بحيث لا ينتبه سليم الذي يصف السيارة على اليمين حتى تستطيع النزول
سليم
اي ساعة بتخلصي محاضرات اليوم؟
عبير
اليوم رح اتأخر شوي, في عندنا محاضرة تعويض, عاملينها عال خمسة… خلص بروح مع هدى… باي
تخرج عبير مسرعة من السيارة و تتوجه نحو باب الجامعة. تبتسم لسامي لكنها تمشي كأنها لاتعرفه خوفا ان ينتبه سليم. تقف قليلا بانتظار ذهاب سليم ثم تتجه نحو سامي
عبير
هايييي حبيبي, كل سنة او انتا سالم
سليم
او انتي سالمة يا عمري, ولك شو هال الحلاوة هاي, طاعة بتعقدي اليوم
عبير
جبتلك هدية, انشالله تعجبك

سامي

انا كمان عندي الك مفاجأة… اليوم ما في محاضرات… يالا امشي نطلع
تتجه عبير و سامي نحو مدخل الجامعة, تتلفت حولها خوفا من ان يراها احد ثم تركب سيارة سامي بجانبه
سامي
بتعرفي اديش بحبك؟
تبتسم عبير
انا اكتر
خارجي – صباح – شارع
سامي يقود السيارة بينما عبير بجانبه
عبير
لسه شريط اليسا موجود؟
سامي يمد يده, يمسك الشريط و يضعه في المسجل. عبير تمد يدها و تمسك بيد سامي و تغني مع اليسا
عبير
بتمون على ضحكي انا بتمون… بتمون على الدمع او الك بتمون
بينما عبير تغني, تمر سيارة سامي من امام سيارة سليم الخارجة من كازية. يلمح سليم عبير و يتفاجأ, يحرك سيارته خلفهم. يلاحقهم الى ان يصفو امام عمارة سكنية و يخرج الاثنان و يختفيان في مدخل العمارة

داخلي – صباح – شقة سامي

يفتح سامي باب الشقة
سامي
اتفضلي يا اميرة
تدخل عبير
ميرسي
سامي
غمضي عينيكي
تغمض عبير عينيها بينما يغلق سامي باب الشقة و يمسك بيدها و يدخلون الى غرفة الجلوس المزينة في الورود, البلالين و الشموع
سامي
لحظة
يترك سامي يد عبير و يبدأ باضاءة الشموع, و يتجه نحو المسجل و يشغله على اغنية اليسا اجمل احساس. تفتح عبير عينيها وتنبهر. تفك عبير حجاب رأسها و تفرد شعرها
عبير
ما احلا… كل هاد انت ساوويتو؟
يقترب سامي من عبير و يضمها الى صدره. تلف عبير يديها حول رقبة سامي و ترخي رأسها على صدره
عبيربتعرف؟ انا ما بأدر اعيش من غيرك
سامي
اتخييلي! النا سنة مع بعض
عبير
انشالله ميت سنة كمان… يالا ناكل, انا جوعانه
يجلس سامي و عبير على الطاولة يأكلان

خارجي – صباح – شارع

سليم يقود السيارة بسرعة و عصبية. يزمر و يسبسب

8 thoughts on “حبيبي خذ شرفي و عيش 2

  1. In addition to honor crimes; your post also has an accurate description of the inferiority of women in our society.Abeer’s brother has a say in whether her shirt is appropriate or not. She didn’t have a say on his clothes. And obviously he has a say on whether she is with a man or not. She can’t make her own decisions.

    Like

  2. Anonymous says:

    Do you like playing in the game which you need to use < HREF="http://www.vi4s.com/product/Wonderland_Online_Gold.html" REL="nofollow">wonderland Gold<>, when you do not have < HREF="http://www.vi4s.com/product/Wonderland_Online_Gold.html" REL="nofollow">wonderland online Gold<>, you must borrow < HREF="http://www.vi4s.com/product/Wonderland_Online_Gold.html" REL="nofollow">wonderland money<> from friends, or you < HREF="http://www.vi4s.com/product/Wonderland_Online_Gold.html" REL="nofollow">buy wonderland Gold<>. If you get < HREF="http://www.vi4s.com/product/Wonderland_Online_Gold.html" REL="nofollow">cheap wonderland online Gold<>, you can continue this game.

    Like

Do you have something to say?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s